×

جارێکیتر داواکاریی بۆ بينينى ئۆجەلان پێشکەشکرا

 2020-09-15
فۆتۆ: 
وڵاتەکەم
ئەمڕۆ جارێکیتر لە لایەن پارێزەرەکانیەوە داواکاریی بۆ دیداری عەبدوڵا ئۆجەلان سەرکردەی زیندانیکراوی پەکەکە پێشکەشکرا.

ھەریەک لە ڕازیە تورگوت، سەربای کۆکلو، ڕێزان ساریجا و ئیبراھیم بیلمەز، پارێزەرانی عەبدوڵا ئۆجەلان، بە مەبەستی سەردانی ئیمرالی و دیدار لەگەڵ ئۆجەلان ، سەردانی داواکاری گشتی بوریاسان کرد.

دواین داواکاری رۆژی ٢٨ی ئابی ٢٠٢٠، بوو کاتێک محەمەد ئۆجەلان برای عەبدوڵا ئۆجەلان و مەزڵوم دینیج پارێزەرەکەی داوایان لە داواکاری گشتی بۆرسا کردبووە رێگەیان پێبدرێت سەردانی ئۆجەلان بکەن لە دورگەی ئیمراڵی.

عەبدوڵا ئۆجەلان، ماوەی ٢٠ ساڵە لە زیندانی ئیمراڵیە لە تورکیا و لە ساڵی رابردووشەوە تا ئێستا ١٠٠ جار داوای بینینی ئۆجەلان کراوە و سەرجەمی داواکارییەکان رەتکراونەتەوە. 

 


‌نوێترین