×

پەرلەمانی عێراق بانگھێشتی پارێزگاری بانکی ناوەندی دەکات

 2021-01-12
فۆتۆ: 
هەواڵەکەم بۆ بخوێنەرەوە
وڵاتەکەم
پەرلەمانی عێراق رەزامەندی دەربڕی لەسەر دیاریکردنی کاتی بانگھێشتکردنی مستەفا جبوری، پارێزگاری بانکی ناوەندی.

جەمال محەمەداوی، ئەندامی پەرلەمانی عێراق رایگەیاند، ٢٥ واژووی کۆکردووەتەوە بۆ بانگھێشتکردنی پارێزگاری بانکی ناوەندی و دەستەی سەرۆکایەتیش رەزامەندی لەسەر دەربریوە.

ئاماژەی بەوەکردووە، بانگھێشتکردنەکە بۆ تاوتوێکردنی سیاسەتی بانکی ناوەندییە بەتایبەت خستنەبازاری دۆلار.

لەگەڵ راگەیاندنی کەمکردنەوەی نرخی دیناری عێراقی بەرامبەر دۆلار لە کۆتایی مانگی رابردوودا، نیگەرانی چین و توێژەکانی لێکەوتەوە و ژمارەیەک پەرلەمانتاریش پێشتر داوایان کردبوو بانگھێشتی مستەفا کازمی، سەرۆک وەزیران و عەلی عەلاوی وەزیری دارایی و مستەفا جبوری پارێزگاری بانکی ناوەندی بکرێت، بەمەبەستی تاوتوێکردنی لێکەوتەکانی کەمکردنەوەی بەھای دیناری عێراقی لە ‌بەرامبەر دۆلاردا.

 


‌نوێترین