×

حکومەت لەبری چارەسەرکردن و دابینکردنی دەرمان تازە گەیشتووەتە ئەو ئەنجامەی بەڵێ کەموکوڕی ھەیە

 2022-04-06
فۆتۆ: 
وڵاتەکەم
د. سەعدون رۆستەم سەرۆکی لیژنەی بەدواداچوون بۆ کەم کوڕی دەرمان لە سنوری سلێمانی لە کۆنگرەیەکی رۆژنامەوانیدا رایگەیاند: دوای ئەوەی گوێمان لە ھەموو لایەنەکان گرت گەیشتینە ئەو ئەنجامەی کە بەڵی کەموکوڕی دەرمان لە سنوری سلێمانی و دەوروبەری زۆرە، نەشتەرگەری سارد وەستاوە.

وتیشی، ئەگەر فریا نەکەون لەماوەیەکی کەمدا خزمەتگوزاری تەندروستی بەتەواوی لە سنوری سلێمانی دەوەستێت. 

لە بەرواری ٤/٤/٢٠٢٢ لیژنەیەک پێکھات بۆ بەدواداچوونی کەمی دەرمان و پێداویستیە پزیشکیەکان لە سنوری سلێمانی، ئەمڕۆ لیژنەکە گەیشتنە سلێمانی و لەگەڵ لایەنە پەیوەندیدارەکان کۆبونەوە.

ئەوە لە کاتێکدایە زیاتر لە چوار مانگە کێشەی نەبوونی دەرمان و کەم وکوڕی لە پێداویستیە پزیشکیەکان و دابەشنەکردن موچەی کارمەندانی تەندروستی و دەیان کێشەی تر رووبەروی فەرمانگەکانی دیکەی سنوری پارێزگای سلێمانی بووەتەوە تازە بە تازە حکومەت لیژنە دروستدەکات و دەڵێت بەڵێ کەم وکوڕی ھەیە.

 


‌نوێترین