×

ھەرێمی کوردستان.. دادگایەکی نوێ بۆ بەرەنگاربونەوەی گەندەڵی پێکدەھێنرێت

 2021-02-22
فۆتۆ: 
هەواڵەکەم بۆ بخوێنەرەوە
وڵاتەکەم
دەستەی دەسپاکی ھەرێمی کوردستان رایگەیاند، ئەنجومەنی دادوەری، بڕیاریاندا بە پێکھێنانی دادگایەکی تاوان بۆ دادگاییکردنی سەرجەم تۆمەتبارانی تاوانەکانی گەندەڵی بەناوی (دادگای تاوانەکانی بەرەنگاربونەوەی گەندەڵی) لەسەر ئاستی ھەرێمی کوردستان و تایبەتمەند دەبێت بە بینینی کەیسەکانی گەندەڵی.

دەستەی دەسپاکی ھەرێمی کوردستان لەنوسراوێکدا بڵاویکردەوە، بە نوسراوی ژمارە (١/١٣٥) لە ١/١٢/٢٠٢٠، ئەنجومەنی دادوەری، بە فەرمانی ژمارە ١/١/١١٧ لە ١٨/٢/٢٠٢١، بڕیاریاندا بە پێکھێنانی دادگایەکی تاوان بۆ دادگاییکردنی سەرجەم تۆمەتبارانی تاوانەکانی گەندەڵی بەناوی (دادگای تاوانەکانی بەرەنگاربونەوەی گەندەڵی) لەسەر ئاستی ھەرێمی کوردستان و تایبەتمەند دەبێت بە بینینی کەیسەکانی گەندەڵی.

ئەوەش خراوەتەڕو، "ئێمە لە دەستەی دەسپاکی ھەرێمی کوردستان، دەستخۆشی لە ئەنجومەنی دادوەری دەکەین و پێمانوایە ئەو ھەنگاوە کاریگەرییەکی زۆر باشی دەبێت لەسەر بەرەوپێشبردن و روبەڕوبونەوەی گەندەڵی و خێراکردنی یەکلاکردنەوەی کەیسەکان لە دادگا".

دەستەی دەسپاکی ھەرێمی کوردستان دەستەیەکی سەربەخۆیە ئەرکی بەرەنگاربونەوەی گەندەڵی لە ھەرێمی کوردستان لە ئەستۆ دەگرێت، لەژێر چاودێری پەرلەماندا دەبێت.

 


‌نوێترین