×

لە ھەولێر بە شۆفڵ دەیان تۆن سەوزە و میوەی دەستگێڕەکان پانکرانەوە

 2021-02-25
فۆتۆ: 
هەواڵەکەم بۆ بخوێنەرەوە
وڵاتەکەم
ھاوشێوەی رۆژانی رابردوو، کاسبکارانی پێنجی حەسارۆک لە ھەولێر سەرقاڵی ریزکردن و رازاندنەوەی عەرەبانەکانیان بوون بە سەوزە و میوەی جۆراوجۆر، بەڵام بەبێ ھیچ ئاگادارکردنەوەیەک وەزارەتی شارەوانیی بە پاڵپشتی ھێزێک و چەندین شۆفڵ تەواوی سەوزە و میوەی کاسبکارەکانی لە نێوبرد و پانیان کردەوە.

ئەو کاسبکارانە باسلەوەدەکەن، کە پێشتر مۆڵەتی کارکردنیان لەو شوێنە وەرگرتووە  کەچی ئەمڕۆ بە خۆیان شۆفڵەکانیانەوە چونەتە سەر شوێنی کارکردنیان و تەواوی سەوزە و میوە و کەپرەکانی ناوچەکەیان تێکداوە و زیانێکی زۆریان بەرکەوتووە

تێکدانی شوێنی کارکردنی دەستگێڕەکان لەکاتێکدایە بە ھەزاران دۆنم و پارچە زەویی بازرگانی و ستراتیژی لەلایەن بەرپرسانەوە داگیرکراوە کە بە ملیارەھا دۆلار دەخەمڵێندرێت و ھیچ لێپرسینەوەکیشیان لێ ناکرێت، بەڵام بەناوی زیادەڕەوییەوە بەرپرسان ناھێڵن خەڵکیی پاروە نانێک پەیدابکات


‌نوێترین