سەردێڕ:

وادەى تۆمارکردنی هاوپەیمانێتی بۆ هەڵبژاردنی پەرلەمانی کوردستان کۆتایی هات

سێ هاوپەیمانێتی پێکهات
فۆتۆ: 
2018-06-27

3184 جار خوێندراوەتەوە

کۆمسیۆنی باڵای هەڵبژاردن و ڕاپرسی هەرێم ڕایگەیاند، ئەمڕۆ چوارشەممە کاتژمێر٣ی پاش نیوەڕۆ وادەى تۆمارکردنی هاوپەیمانێتی لە هەڵبژاردنەکانی هەرێم کۆتایی هات و جارێکی دیکە وادەی تۆمارکردن درێژ ناکرێتەوە.


کۆمسیۆنی باڵای هەڵبژاردن و ڕاپرسی هەرێم ڕایگەیاند، ئەمڕۆ چوارشەممە کاتژمێر٣ی پاش نیوەڕۆ وادەى تۆمارکردنی هاوپەیمانێتی لە هەڵبژاردنەکانی هەرێم کۆتایی هات و جارێکی دیکە وادەی تۆمارکردن درێژ ناکرێتەوە.

شۆڕش حەسەن بەڕێوەبەری ڕاگەیاندن و پەیوەندییەکانی کۆمسیۆنی باڵای سەربەخۆی هەڵبژاردن و ڕاپرسیی هەرێمی کوردستان بە دیجتاڵ میدیای ئێن ئاڕ تی ڕاگەیاند، ئەمڕۆ کاتژمێر ٣ی پاش نیوەڕۆ وادەى تۆمارکردنی هاوپەیمانێتی لە هەڵبژاردنەکانی هەرێم کۆتایی هات، لە ماوەی ڕابردوودا تەنها سێ هاوپەیمانێتی پێکهێنراون.

ئاماژەی بە ئەوەشکرد، سێ هاوپەیمانیەتیەکە کە پێکهاتوون لە (لیستی سەردەم) و (بەرەو ئیسڵاح) و (یەکێتی نەتەوەیی) .

ڕونیشکردەوە، حزبەکانی (سۆسیالیست دیموکرات کوردستان و پارتی کرێکارانی ڕەنجدەرانی کوردستان و یەکێتی نەتەوەیی کوردستان) لەژێر ناوی لیستی (سەردەم)، ھەروەھا (یەکگرتووی ئیسلامی و بزوتنەوەی ئیسلامی) لە ژێر ناوی لیستی (بەرەو ئیسڵاح)، لەگەڵ ئەوەشدا مەسیحیەکانیش وەک ( ڕەوتی شلاما و بەیتی نەهرەین و یەکێتی نەتەوەیی کلدان) لەژێر ناوی (یەکێتی نەتەوەیی) هاوپەیمانیەتییان پێکهێناوە.

ئەوەشی خستەڕوو، لە ٣ی مانگی تەموزەوە تا ٢٥ی هەمان مانگ، دەستدەکرێت بە وەرگرتنی تۆماری کاندیدانی ئەو قەوارانەی پەسەندکراون.

بڕیارە لە ٣٠ی ئەیلولی داهاتوو هەڵبژاردنی پەرلەمانی کوردستان بەڕێوەبچێت، بەڵام لە ئێستادا باس لە هەوڵێک دەکرێت بۆ دواخستنی هەڵبژاردنەکە.

هــ.حــ