سەردێڕ:

تا ئێستا وادەى هەڵبژاردنى ئەنجومەنى پارێزگاکان دیارینەکراوە

فۆتۆ: 
2018-06-27

2950 جار خوێندراوەتەوە

٢٤ی ئەم مانگە، دواین وادەی یاسایی ئەنجومەنی پارێزگای سلێمانی بوو، کە لەم ڕۆژە بەدواوە ئەم ئەنجومەنە و هەردوو ئەنجومەنی پارێزگای هەولێر و دهۆکیش ١٢ ڕۆژ پێشتر کەوتوونەتە ناو ئەو ماوە یاساییەوە کە بەپێی یاسای ژمارە (٤)ی ٢٠٠٩ی هەمواركراو یاسای هەڵبژاردنی ئەنجومەنەكانی پارێزگاكانی هەرێم، ئەنجومەنەكان لە ڕۆژی كۆتاییهاتنی خولەكەیانەوە کە ماوەی چوار ساڵە، لە بەڕێوەبردنی كاروباری خۆیان بەردەوامدەبن تا ماوەیەك لە (٩٠) ڕۆژ زیاترنەبێت.


٢٤ی ئەم مانگە، دواین وادەی یاسایی ئەنجومەنی پارێزگای سلێمانی بوو، کە لەم ڕۆژە بەدواوە ئەم ئەنجومەنە و هەردوو ئەنجومەنی پارێزگای هەولێر و دهۆکیش ١٢ ڕۆژ پێشتر کەوتوونەتە ناو ئەو ماوە یاساییەوە کە بەپێی یاسای ژمارە (٤)ی ٢٠٠٩ی هەمواركراو یاسای هەڵبژاردنی ئەنجومەنەكانی پارێزگاكانی هەرێم، ئەنجومەنەكان لە ڕۆژی كۆتاییهاتنی خولەكەیانەوە کە ماوەی چوار ساڵە، لە بەڕێوەبردنی كاروباری خۆیان بەردەوامدەبن تا ماوەیەك لە (٩٠) ڕۆژ زیاترنەبێت.

جێگری سەرۆکی ئەنجومەنی پارێزگای سلێمانییش دەڵێت، حکومەت نایەوێت ئەنجومەنەکان کارابن و دەیەوێت بە ھەمان چارەنووسی سەرۆکایەتی ھەرێم و پەرلەمان ببرێن.

ئەندامانی ئەنجومەنی پارێزگاکان لەسەر فراکسیۆنەکانی پارتی و یەکێتی کە سەرۆک و جێگری سەرۆکی حکومەتی هەرێم لای حزبەکانیانە، وەک ئەندامانی دیکەی فراکسیۆنەکان داوادەکەن حکومەت وادەی ھەڵبژاردن دیاریبکات.

چەند مانگێکە ئەنجومەنی پارێزگاکان داوایان لە حکومەت و پەرلەمان کردووە، وادەیەک بۆ ئەنجامدانی ھەڵبژاردن دیاریبکەن کە لەگەڵ هەڵبژاردنى پەرلەمان لە ٣٠ی ئەیلول یان لەگەڵ هەڵبژاردنى ئەنجومەنى پارێزگاکانى عێراق لە مانگى ١٢ی ئەمساڵدا بکرێت، بەڵام تائێستا حکومەت لەوبارەیەوە وەڵامی ئەنجومەنەکانی نەداوەتەوە.

ئەو داواکاریەی ئەنجومەنەکان لەکاتێکدایە کە حکومەت داوای لە کۆمسیۆن کردووە تەنیا ئامادەکاریی بۆ ھەڵبژاردنی پەرلەمان بکات، لەکاتێکدا چەند ڕۆژێکە هەر سێ ئەنجومەنەکە لەناو ئەو وادە یاساییەدان کە لە ڕۆژی كۆتاییهاتنی خولەكەیانەوە دەتوانن تیایدا درێژە بە کارەکانیان بدەن.

لە ٣٠ی نیسانی ٢٠١٤دا هەڵبژاردنی ئەنجومەنی پارێزگاكان بەڕێوەچوو، بەڵام كۆبوونەوەی ئەنجومەنەکان زیاتر لە مانگ و نیوێك دواكەوت، دواهەمینیان ئەنجومەنی پارێزگای سلێمانی بوو كە لە ٢٤ی حوزەیرانی ٢٠١٤دا یەكەمین كۆبونەوەی ئەنجامدا.

كەواتە تەمەندرێژترین ئەنجومەن لە ٢٤ی حوزەیران، چوار ساڵ بەسەر یەكەمین كۆبونەوەیدا تێدەپەڕێت و ماوەی یاسایی كۆتایی پێهاتووە، بۆیە بە لەبەرچاوگرتنی یاسای هەڵبژاردنی ئەنجومەنەكانی پارێزگاكان، تەنیا ٩٠ ڕۆژ دەتوانن بەردەوامبن لە كاركردن، بەوەش لە ٢٤ی ئەیلولی ئەمساڵدا لەڕووی یاساییەوە ماوەی هەر سێ ئەنجومەنەکە بەسەردەچێت.

ع.م