سەردێڕ:

ڤیدیۆ.. ئاگرێکی گەورە لە مۆبیلیاتێکی هەولێر کەوتەوە

فۆتۆ: 
2021-06-30

5811 جار خوێندراوەتەوە

پەیامنێری ئێن ئاڕ تی رایگەیاند، ئاگرێکی گەورە لە مۆبیلیاتێکی هەولێر لە شەقامی ٦٠ مەتری کەوتووەتەوە کە کۆگایەکی کارگەکەشی لەگەڵدایە و بەشی سەرەوەی کۆگاکە گڕیگرتووە و یەکێک لە کارمەندەکانی مۆبیلیاتەکە لەناو ئاگرەکە و مۆبیلیاتەکەدا ماوەتەوە.


ئاماژەی بەوەشكرد، کە بەهۆی ئاگرەکەی سەرەوە دوکەڵێکی زۆر لە ناوەوەی کۆگاکە بڵاوبووەتەوە و زیانێکی ماددی زۆری لێکەوتووەتەوە.

خاوەنی کۆگاکە دەڵێت، لە سەرەتادا هاتووین بەشێکی کەلوپەلەکانمان لابردووە و لەناوەوەش سەقفەکەی بەرەو رووخان دەچێت بەهۆی سوتانەکەوە.

چۆمان مەحمود پەیامنێری ئێن ئاڕ تی وتی، کە یەکێک لە کارمەندەکانی مۆبییاتەکە لەناو ئاگرەکەدا ماوەتەوە چارەنوسی دیار نییە و تیمەکانی بەرگری شارستانی بەهیچ جۆرێک ناتوانن بچنە کۆگاکەوە.

لە ئێستادا تیمەکانی بەرگری شارستانی هاوڵاتیان و دەزگاکانی راگەیاندن دوور دەخەنەوە لە شوێنەکە و دوکەڵێکی زۆر ناوچەکەی گرتووەتەوە.

بەرگری شارستانیش باس لەوەدەکات، کە تاوەکو ئێستا هکاری ئاگرەکە دیار نییە و هێشتا نەتوانراوە کۆنتڕۆڵی ئاگرەکە بکرێت.

باس لەوەشدەکرێت، کە مەترسی لەسەر مۆبیلیات و ماڵەکانی چواردەور و پشتی کۆگاکە هەیە و چۆڵیان کردووە.

پەیامنێری ئێن ئاڕ تیش باسی لەوەکرد، کە رووداوەکە تەشەنە دەستێنێ و مۆلیدەی کۆگاکە تەقیوەتەوە و کارەباکەشی لەناوەوە دەتەقێتەوە.

هـ.ئـ