سەردێڕ:

قائیمقامی هەولێر: ئاگرەکەی هەولێر کەمتەرخەمی هاوڵاتیان خۆشیانی تێدایە

فۆتۆ: 
2021-06-30

2286 جار خوێندراوەتەوە

نەبەز عەبدولحەمید قائیمقامی هەولێر لەبارەی ئاگرەکەوە دەڵێت، ئاگرەکە کەمتەرخەمی هاووڵاتیان خۆشیانی تێدایە و داواش دەکات، هاوڵاتیان لە شوێنەکە دوور بکەونەوە.


نەبەز عەبدولحەمید قائیمقامی هەولێر لە کۆنفرانسێکی رۆژنامەنووسیدا و لەکاتی کۆنترۆڵکردنی ئاگرەکەدا رایگەیاند، کە رێنماییان بڵاوکردووەتەوە و چەندین شت هەیە مەترسی ئاگر کەوتنەوەیان لێدەکەوێتەوە.

باسی لەوەشکرد، هاوڵاتیان بەشێکیان کەمتەرخەمن بەوەی کەلوپەلی پاراستنی پێویست لەناو باڵەخانەکانیاندا نییە.

دەشڵێت، زیادەڕەویکردن بۆسەر تۆڕە گشتییەکانی کارەبا دەکرێت هۆکاری ئاگرکەوتنەوە بن و وتیشی، کە ئەم ماوەیەش کەش و هەوا گەرمە و داوا لە هاوڵاتیان دەکەن لە کەشی گەرمیشدا ئاگاداری کەلوپەلی کارەبایی و مۆلیدەکانیان بن.

ئەمڕۆ ئاگر لە کۆگا و مۆبیلیاتێکی هەولێر کەوتەوە و زیانێکی ماددی زۆری بەدوای خۆیدا هێنا، کە بەشێکی چێشتخانەیەکی تەنیشت مۆبیلیاتەکەشی گرتەوە و لە ئێستاشدا ئاگرەکە کۆنترۆڵکراوە.

هـ.ئـ