×

عێراق نرخی نەوتی لە بوجەی ساڵی ٢٠٢٢ دیاریکرد

 2022-04-06
فۆتۆ: 
وڵاتەکەم
لیژنەی دارای پەرلەمانی عێراق رایگەیاند، نرخی پێێشبینیکراوی یەک بەرمیل نەوتی لە بوجەی ساڵی ٢٠٢٢ بە ٧٥ دۆلار دەبێت. دەشڵێت " نرخی دۆلار دانابەزێت."

مشعان جبوری ئەندامی لیژنەی دارایی لە پەرلەمانی عێراق لە لێدوانێکیدا بۆ ئاژانسی ھەواڵی عێراقی ئاماژەی بەوەداوە، پەرلەمانی عێڕاق لە بوجەی ساڵی ٢٠٢٢دا نرخی یەک بەرمیل نەوتی بە ٧٥ دۆلار خەمڵاندووە.

ئاشکراشی کردووە، "ھەر بڕیارێک لەسەر دابەزینی نرخی دۆلار بەرامبەر دیناری عێراقی بڕیاریکی دروستی ئابووری نییە و حکومەت و وەزیری دارایی و بانکی ناوەندی پێیان وایە ئەم بڕیارە مەترسییەکی درێژخایەنی بۆ سەر ئابووری عێراق دروست دەکات و ئەوەش روونادات."

مشعان جبوری ئەوەشی خستووەتەڕوو، چارەسەری ناھاوسەنگی دواکەوتنی پەسەندکردنی بودجە لەرێگای یاسای ئاسایشی خۆراکەوە دەبێت کەئێستا لەناو لیژنەی دارایی پەرلەماندا گفتوگۆی لەسەر دەکرێت و ئامانجی ئەم یاسایە دابینکردنی ھەموو بودجەی فریاکەوتنە کە حکومەت ناتوانێت بەکاری بھێنێت و خەرجی بکات لەژێر سیستمی یەک لەسەر ١٢ی بورجەی گشتی ساڵی رابردوو.

ھاوکات ئەمرۆ نرخی یەک بەرمیل نەوت لە بازاڕەکانی جیھان ١٠١ دۆلار بووە و لە سەرەتای جەنگی روسیا و ئۆکرانیاوە بەردەوەوام نرخی نەوت بەرز دەبێتەوە.

 


‌نوێترین